Get Adobe Flash player
Tuesday 2nd September 2014

GOOD FRIDAY THLIR LAWKNA

Rev. Dr. H.M. Songate

Ka Pathien, Ka Pathien, iengdinga I mi zam san?

 

Rev. Dr. H.M. Songate

Rev. Dr. H.M. Songate

March thla sung hi Pathien thu rawngbawlna le thil dang dang buoina a tam el bakah, kan office Guwahati tieng kan sawn thla ani leiin Palm Sunday le Good Friday sermon ziek hman lovin , Thlir lawkna chau ka ziek hmana. Thlir lawkna hi sermon ang deua ngai a ṭul ding ani leiin tiemtu haiin in mi hriet thiem ka ngena. Malsawmna in dawng ngei ka beisei pui cheu anih.

 

Patling meu thlaphang em ema an khek ri hre taphawt hai chun a rapthlak zie a practical in ei hmu hlak. Kum 2008 khan ka tunu Grace Lalnunmawi thlaruk mi chau nisien khawm Lung tieng (heart) natna inrik tak a nei leiin CMC Vellore ah an rang thei anga vuongpui ding an ti leiin kan pan suk chawt ela. CMC Vellore hi vawi iemanizat insung bawrsawmna leia kalo tlung tah aniha. Damdawi in lientak ani leiin ni tinin  thina lei dam natna inrik lei dama, ṭap khek rawng rawng hmu ding an um deu zing hlak. Nikhat chu patling lien deu el hi Hospital bang innghai pumin Mobile in midang abieka inring tak le thlaphang emema a ṭap ka hei hmu chu ka lungril a them em em. Natna rapthlak tak le thina amani atuok ngei niding ana. Biek beiseiin mi tamtak an in lawn zut zut lai chun ka tunu pawm pumin a bul ah ka nghak zinga. An inbiekna a tawp el naw leiin ralkanga inthawkin Pathien kuomah a ta dingin ka ṭawngṭaia, ka maksan ve ela. Vawisun chen hin kha pa beidawng ṭap ri kha ka mitthla ah ala cham zing.

 

Chu zovah ka tunu operation theater ah an ṭhuoiluta thisen pekna ding a kut ring an at a a hang tap tak tak chu, ka nakawr ka hipa room sungah ka va ṭoawgṭai. Ka tunu natna kha a let 100 a na lema ka tuor ding khawma kan huom hmak! Khang lawm lawma Isu in atuor el kha ka hriet thiem nawha, mak ka ti bek bek anih. Mithiem tamtakin Isu tuorna ansui angina sui dawk zo naw lang khawm tukum chu a tuorna rapthlak zie ‘chite’ Pathienin amin hmutir niin ka hriet. Mitthli pumin Pathien kuomah hieng kher khera nasa a in tuortir hi angai ani? ka tih!

 

Isu Krista, Kross lera thlaphang em ema  a ṭawngṭai khek ri ngaingam kha a harsa el chau ni lovin, hrilfie le hrietthiem a harsa em em. Tukhawmin an va hnai ngam nawha. A ṭhuoihruoi haiin an zamsan vawnga. Nuhmei ruol tlawmte in ralkanga inthawkin thlaphang em em in an lo thlira. Isu thina kha a rapthlak vei leh, a thi dan process kha hrietthiem harsa ka ti zuol. Hmangaina lei ani mieu sia maw! Tlanna sin ropui a thawding a khat chauin suol leia thlaphanga inrumin, na tuor pumin A Pa ako anih. “A hi ka Naupa dittak anih, Ama thu ngai ro” a ti kha a zamsan el chu ana maw! Hi ṭawngṭaina thu hi hrilfietu tamtak in an hrilfie zo naw le hrilfie ngam nawa ngai anih. Martin Luther in hrilfiena a siem lai hi bible thu ahin an tanga, a hrilfie lai a chawl nghe nghe an tih. Ni thum sung bungheia ṭawngṭaina anei zovin hieng ang hin Pathien in a dawnin a hriet “Pathien meu Pathien vekin en ngam lova a zamsan chu iengtinam thi thei (mortal) mihriem in hre thei in ta” tiin. Pawm thiem a awl hle in ka hriet.

 

October 2011 khan KBC hai lai rawngbawlna ka neia. Holy Communion nei hma in hi Pathien thu, Isu thlaphang ṭawngṭaina khekri rapthlak tak hi a hnuoia ang khun ka lungril ah ahung suok zung zunga. Pathien mi pek ngei nia ringin ka zuk ziek thla mawl mawla:

 

-          the pain of a forsaken God ( nghatsan Pathien tourna le natna)

-          a cry of ultimate pain ( natna le lungngaina tawpkhawk khekri)

-          a cry of helplessness ( ṭhangpuitu neilo thlaphang khekri)

-          a forsaken prayer ( nghatsana um ṭawngṭaina)

-          the only prayer God turn his back on ( Pathien in a hnung ngatsan ṭawngṭaina um sun)

-          the only prayer unanswered ( ṭawngṭaina dawnlo umsun)

-          the one who said “come unto me” is forsaken ( “ka kuomah hung ro” titu kha nghatsanin aum)

-          the one who said “I will not cast you away” was forsaken ( “ka kuoma hung chu knawt suok naw tawp ka tih” ti tu kha zamsan in aum)

-          the only God who could help Him forsaken Him (a ṭhangpui theitu ding umsun ‘a Pa’ meu in a zam san)

-          a God who had helped thousands could not find help when He needed it ( sang tamtak ṭhangpuitu Pathien khan ṭhangpuitu ding a mamaw hunah a hmu zo nawh)

-          “Come unto me whoever is thirst cry of thirst!” ( “dangchar taphawt ka kuomah hung ro” titu kha dangcharin a khek)

-          A time when Jesus was all alone hanging on the cross  (Kross lera misuol pahnihai an thi hnunga Isu a khat chaua dama khaikanga aum)

-          Thousands would come to Him for healing was crying in pain (Sang tamtakin sukdam dinga an pan hlak pa kha a khat chauin na tuorin an rum)

-          God forsaking His only beloved son to save sinners (misuol hai sandamna dingin anau a hmangai em em Pathienin a zamsan)

-          What a pity! (Lungsiet ava um rapthlak ngei)

-          The cry of God who is forsaken by heaven and earth ( Pathien Hnuoi le Vanin an nghatsan leia a khekri)

 

Unau, nang le kei suola inthawka amin tlansuok theina dingin Pathienin a naupa ahung tir dan hi chu ‘thil namen’ an nawh ie! Ngaitha chi ava ni naw de! A thina hi thidan rapthlak tak anih. He suffered ultimate humiliation and death to save us (A mi sansuokna dingin inzak umna tawpkhawk tuorin alo thi anih) Iem lawng I ta? Isu thi ni hi Good Friday tia a ṭha zawnga pawm ding ani rau rau chun “Good Friday” hi alo “GOOD” takzet anih! Unau,  Ngaituo zawm vet a!

You may also like to read:

One Response to GOOD FRIDAY THLIR LAWKNA

Like Us on Facebook
  • Psalm 119:64 September 2, 2014
    “The earth is filled with your love, LORD; teach me your decrees.”
Online Concordance

Older Posts
Donate to Pathien Thucha

We welcome free-will donations to keep this website ministry going.

Enter your email address to subscribe to this blog and receive notifications of new posts by email.

Re-Think GoDaddy.com. 3 months of Economy Hosting for $1.99/mo.

Pathien Thucha: Copyright © 2012. All Rights Reserved.